Që prej janarit të këtij viti, që është një prej krahasimeve më të shkurtra në kohë, euro ka arritur të fitojë me rreth tre lekë vlerë. Në ditët e para të janarit të këtij vitit, një euro këmbehej me kursin e Bankës së Shqipërisë me 138 lekë e 70 qindarka, ndërsa këtë të hënë kursi ishte 141 lekë e 42 qindarka.
Vetëm gjatë këtij muaji euro ka fituar rreth një lek në vlerën e saj. Edhe pse me një rritje të ngadaltë, monedha evropiane nuk e ka ndryshuar tendencën që prej disa muajsh.
Në muajt e fundit, vlera më e ulët e euros ka qenë në korrikun e 2010-ës kur këmbehej me 134 lekë e 86 qindarka. Që prej atëherë tendenca ka qenë gjithnjë në rritje. /Telegrafi/