Ish-sulmuesi i njohur, Samuel Eto’o pretendon se sulmuesi kilian Alexis Sanchez mund të bëjë diferencën për Interin në garën për titull të Serie A.
Sanchez mbërriti si huazim nga Manchester Unitedi në verë, por një dëmtim i hershëm e ka kufizuar 31-vjeçarin në 10 ndeshje në Serie A, duke filluar vetëm dy si titullar.
Eto’o, i cili e ndihmoi Nerazzurrët të fitojnë tripletën në sezonin 2009-10, ka pohuar se ish-sulmuesi i Barcelonës dhe i Arsenalit mund të ndihmojnë Interin të rikthehet në betejën e Scudettos.
“Alexis ka qenë i pafat këtë sezon për shkak të këtij dëmtimi. Por, cilësia që ai ka nuk është në diskutim”, ka thënë fillimisht Eto’o për CDF.
“Ai është një lojtar që mund të bëjë ndryshimin në çdo kohë. Ai është një sulmues ndryshe me lëvizjet e tij, dhe ai është vdekjeprurës një-më-një”.
“Është normale që kërkon që ai të kthehet në maksimumin e tij. Ai arriti në Inter pas një periudhe pa luajtur shumë në United”.
“Ai ka aftësi të ndryshme, dikush si ai është gjithmonë i qetë në një klub si Interi”, përfundoi legjenda e Kamerunit. /Telegrafi/