Është i shkarkuar, por nëse Real Madridi e do Nagelsmannin – duhet t’i paguajë Bayernit kompensim

Real Madridi do të duhet të arrijë një marrëveshje financiare me Bayern Munich nëse ata synojnë të transferojnë Julian Nagelsmann.

Gjiganti bavarez e shkarkoi trajnerin këtë javë, megjithëse janë në garë për titullin e Bundesligës dhe Ligës së Kampionëve këtë sezon, me Thomas Tuchel që e mori pozicionin e tij.

Largimi i befasishëm i Nagelsmann ka ndezur spekulimet për një lëvizje në Madrid për shkak të kontakteve të tij afatgjata me Los Blancos.

Lexo po ashtu Bayern Munichut i ka kushtuar shumë shtrenjtë shkarkimi i Nagelsmann

E ardhmja e Carlo Ancelottit mbetet në dyshim, pavarësisht se fitoi La Ligën dhe Ligën e Kampionëve, me pak më shumë se 12 muaj të mbetur nga kontrata e tij.

Ancelotti është nën presion për të fituar të paktën një titull këtë sezon me Brazilin që e synon hapur atë për të zëvendësuar Titen e shkarkuar.

Lexo po ashtu U shkarkua nga Bayerni, Nagelsmann po kërkohet nga gjiganti i Ligës Premier

Sipas raportimeve nga Bild, paketa e kompensimit të Naglesmann u konfirmua vetëm nëse ai përfundonte vitin e dytë në krye në Allianz Arena.

Megjithatë, ai do të vazhdojë të paguhet nga Bayern, derisa t’i bashkohet një klubi të ri, i vlerësuar në 8-9 milionë euro në vit, me Real Madridin që mund t’i kërkohet të paguajë një pjesë të marrëveshjes për të përshpejtuar bisedimet. /Telegrafi/