Austria luajti një Kampionat Evropian mjaft të mirë, por rrugëtimi i ekipit të drejtuar nga Ralf Rangnick u mbyll në raundin e parë të eliminimi direkt, pas humbjes nga Turqia me rezultat 2-1.
Trishtim ishte i madh në kampin austriak dhe këtë e ka treguar edhe Christoph Baumgartner, i cili e cilësoi mbrëmjen e së martës si momentin më të vështirë të jetës.
“Është një nga ditët më të trishta të jetës sime. Është vërtet e vështirë të gjesh fjalët e duhura… Donim ta fitonim këtë ndeshje, dhamë gjithçka që kishim, por në fund nuk mjaftoi. Është vërtet një ditë e trishtuar për ne”.
“Presingu ynë nuk ishte aq i mirë dhe pësuam gola nga goditjet standarde. Ishim pa fat, por ne reaguam. Kemi karakter, nuk dorëzohemi kurrë. Në fund patëm disa mundësi të shkëlqyera për të barazuar ndeshjen, sidomos unë, por nuk ishte e thënë”.
“Është vërtet e vështirë të përshkruaj atë që ndjej. Nuk ndjej asgjë, zero… Është e vështirë, por brenda pak ditësh do të kuptojmë se kemi luajtur një kampionat evropian të shkëlqyer. Jo sot, as nesër. Do të na duhet pak kohë”, deklaroi Baumgartner.
24-vjeçari iu afrua shumë golit në minutat shtesë falë një gjuajtjeje të bukur me kokë, por edhe më e bukur ishte edhe pritja e portierit Mert Gunok, i cili shfaqi reflekse fantastike duke vulosur fitoren e turqve. /Telegrafi/