Javier Zanetti është ndodhur në një situatë të papërshtatshme të hënën në mesditë në Nyon në Zvicrës ku u hodh shorti për fazën e eliminimit direkt në Ligën e Kampionëve.
Legjenda e Interit për pak sa ka mbetur jashtë sallës, duke mos pasur mundësi ta ndiqte nga vendi i ngjarjes hedhjen e shortit.
Ndonëse në fushën e futbollit ka qenë një nga figurat më të njohura të klubit zikaltër, roja i sigurisë, që kishte për detyrë të kontrollonte hyrjen e zyrtarëve në sallën kryesore ku u hodh shorti i Ligës së Kampionëve nuk e kishte idenë se kush ishte.
Javier Zanetti nuk kishte kredencialet për të provuar se ai është zëvendëspresident i Interit, ndaj u desh ndërhyrja e palëve të treta për të bindur rojën e sigurisë që t’i hapte rrugën.
Video është publikuar në rrjetet sociale dhe ajo tanimë është bërë virale me reagimin e Javier Zanettit. /Telegrafi/
? Şampiyonlar Ligi kura çekiminde görevli Javier Zanetti’yi tanımıyor!
❌ Kartı olmadığı için de alana almıyor. pic.twitter.com/RebIt92X1V
— Fanatik (@fanatikcomtr) December 19, 2023