Shkalla e papunësisë në tremujorin e katërt vitin e kaluar arrin 16.6 për qind dhe është ulur në krahasim me tremujorin e tretë e cila ka qenë 17.1 për qind. Shkalla e aktivitetit në tremujorin e fundit të vitit të kaluar është 57.5 për qind, ndërsa shkalla e punësimit 47.9 për qind, njofton Enti Shtetëror i Statistikave (ESHS).
Në tremujorin e katërt të këtij viti popullata aktive në shtet arrin 968.604 persona, ku të punësuar janë 807.362, ndërsa 161.242 persona janë të papunë.
Nga personat e papunë, 33.508 janë me arsim të lartë, 71.914 janë me arsim të mesëm, 12.931 me arsim trevjeçar, ndërsa me arsim fillor janë 34.869 persona.
Të dhënat tregojnë se punëdhënësi më i madh është industria e përpunimit ku janë të punësuar 161.007 persona./Telegrafi/