Vetëm dy ditë para nisjes zyrtare të fushatës elektorale të zgjedhjeve vendore që do të mbahen më 14 maj në Shqipëri, i dërguari special i Shteteve të Bashkuara të Amerikës për Ballkanin Perëndimor, Gabriel Escobar pritet që të vizitojë Shqipërinë.
Escobar do të vizitojë Tiranën zyrtare më datat 11-13 prill. Ai do të takohet me kryeministrin Edi Rama e presidentin Bajram Begaj.
Ndërkohë, nga opozita pritet që të takohet me kreun në detyrë të Partisë Demokratike Enkelejd Alibeajn, Gazment Bardhin e Jorida Tabakun, ndërsa siç edhe pritet do të shmangë takimin me Sali Berishën, i shpallur non grata nga SHBA, raporton Euronews Albania. /Telegrafi/