“Maqedonia e Veriut duhet të jetë kandidate me të drejta të plota dhe menjëherë të bëhet anëtare e Bashkimit Evropian. Maqedonia e Veriut është një partner shumë solid, dypalësh dhe në aleancat shumëpalëshe si NATO dhe OSBE”, tha i dërguari special i SHBA-së për Ballkanin Perëndimor, Gabriel Escobar, i cili po qëndron për vizitë zyrtare në Prishtinë.
Këtë e ka njoftuar Ambasada Amerikane në Shkup në faqen e saj në Facebook.
Escobar, në ditën e dytë të vizitës së tij në Kosovë, ka vizituar Manastirin e Deçanit, një ditë pasi Qeveria ka udhëzuar Agjencinë e Kadastrës për regjistrimin e pronës së manastirit prej 24 hektarësh tokë, dhe më pas ka vizituar komunën e Pejës, ku ka takuar me kryetarin Gazmend Muhaxheri, përfaqësues të sektorit civil dhe mediave, si dhe me të rinj nga komuniteti shqiptar, serb dhe boshnjak në atë komunë.
