Boksieri shqiptar, Erzen Rrustemi, ka mbrojtur me sukses titullin e botës në pesha të rënda WBF.
Ai në Karsluhe të Gjermanisë, ka mundur boksierin argjentinas, Juan Pedro Gugli Elmetti, shkruan albinfo.ch.
Boksieri i cili jeton dhe vepron në Zvicër, ka qenë mjaft i mirë në fillim të meçit, duke e hedhur dy herë kundërshtarin në tapetë.
Ndodhi kjo në raundin e dytë, ku gjyqtari e ndërpreu meçin dhe e shpalli fitues boksierin shqiptar.
Edhe në këtë meç një numër i madh i bashkatdhetarëve kishin shkuar për të përkrahur boksierin shqiptar, i cili i ka falënderuar për përkrahjen e madhe që i kanë dhënë.
Përveç mbrojtjes së titullit, Erzen Rrustemi fitoi edhe titullin GBU (Global Boxing Union).
Para duelit, boksieri kishte thënë se ishte është shumë i përgatitur për këtë meç dhe ishte i bindur se do të triumfojë, dhe ashtu ndodhi.
