Erolld Musliu është drejtori i ri i Agjencisë për Zbulim.
Ai sot është emëruar nga presidenti Stevo Pendarovski, me çka është shkarkuar drejtori i deritanishëm Zoran Ivanov, përcjell Telegrafi Maqedoni.
Musliu ka stazh në shërbimet e sigurisë, ndërsa në postin e ri vjen nga vendi i ndihmës drejtorit të Agjencisë për Zbulim.
Në ndërkohë është formuar gjithë kabineti i presidentit dhe tanimë janë bërë të njohur emrat e rinj që do të punojnë me Stevo Pendarovskin.
Mile Boshnjakovski është shef kabineti, Biljana Radeva do të punojë në zyrën e mediave, Blerim Kolari këshilltar për siguri kombëtare, Aleksandar Spasov këshilltar i jashtëm për politikë të brendshme dhe të jashtme, Goce Karajanov këshilltar për politik të jashtme, Toshe Zafirov këshilltar, Biljana Micevska shefe e protokollit, Katerina Canevska këshilltare për media, Luljeta Ademi këshilltare për komunikimin me personat me nevojat të veçanta.
Këshilltar të jashtëm janë Denko Maleski, Aleksandar Dimitrov dhe Aleksandar Tavçioski, ndërsa Mirjana Llazarova-Trajkovska dhe Besa Arifi do të angazhohen si këshilltare për çështje juridike.
Si këshilltar i jashtëm është ftuar edhe Blerim Reka, por ai ka refuzuar Pendarovskin pasi nuk ka dashur ketë angazhim publik./Telegrafi/