Këngëtari i famshëm shqiptar, Ermal Meta, po merr pjesë këtë vit në festivalin e madh të “Sanremos” në Itali.
Meta i cili ka fituar vendin e parë në këtë festival në vitin 2018 së bashku me Fabrizio Moron, sivjet po konkurron solo me këngën me titull “Un milione di cose da dirti”.
Ai interpretoi në natën e tretë të festivalit, duke shkëlqyer me paraqitjen e tij dhe interpretimin live.
https://www.youtube.com/watch?v=Kni7wZw03-c&ab_channel=Rai
Bazuar në klasifikimin e deritanishëm të festivalit nga votat e publikut, Ermali kryeson i pari në listën e 26 artistëve pjesëmarrës të gjysmëfinaleve.
Këngëtari shqiptar i ka bërë për vete italianët me tekstin e këngës, i cili është mjaft i ndjeshëm dhe vë në pah dashurinë e vërtetë.
La classifica della giuria demoscopica delle due serate.
Siete d'accordo?#Sanremo2021 pic.twitter.com/iMkxiiH49V— Festival di Sanremo (@SanremoRai) March 4, 2021
“Pa emër unë, pa emër ti. Dhe flasim derisa të mos na duhet më një emër. Pa nxitim unë, pa nxitim ti. Butësisht prekim njëri-tjetrin për t’u kuptuar më shumë”, janë vargjet me të cilat nis teksti i këngës.
Kënga e cila përkthyer në shqip titullohet “Një milionë gjëra për të thënë”, do të vijë në natën finale të shtunën e interpretuar live nga Ermali, me shpresën që për herë të parë në histori, një shqiptar mashkull i vetëm të fitojë atë që njihet si festivali më i madh dhe më i vjetër evropian.
Këtë festival përndryshe në vitin 2018, Ermal Meta e kishte fituar në bashkëpunim me Fabrizio Moron me këngën “Non Mi Avete Fatto Niente”, ku përfaqësuan Italinë atë vit në “Eurovision” dhe së bashku u renditën në vendin e tretë. /Telegrafi/
