Ka përfunduar nata e dytë gjysmëfinale e festivalit evropian “Eurovision 2018”.
Plot 18 shtete kanë konkurruar në natën e sotme, gjersa në mesin e tyre është bërë edhe prezantimi i tri shteteve që shkojnë direkt në finale.
Njëra ndër to është Italia, e cila këtë vit përfaqësohet nga këngëtari shqiptar Ermal Meta, në bashkëpunim me italianin Fabrizio Moro.
“Non mi avete fatto niente” titullohet kënga e tyre, e cila sonte u transmetua në gjysmëfinalen e dytë të “Eurovision 2018”.
Të gjendur në “Green Room”, dyshja Ermal dhe Fabrizio kanë rrëfyer domethënien e këngës së tyre të re.
“Kënga quhet “Non mi avete fatto niente (Nuk më keni bërë asgjë)”, dhe u këndohet të gjithë atyre teroristëve që bëjnë krime, për tu thënë se nuk më keni bërë asgjë”, ka thënë Ermal Meta gjatë spektaklit.
Më pas, ata kanë bërë një interpretim të shkurtër të këngës së famshme “Volare”, me çka kanë bërë edhe publikun për të kënduar për disa sekonda bashkë me ta. /Telegrafi/
