Peshëngritësi shkodran Erkand Qerimaj është shpallur kampion i Evropës në stilin e shkëputjes, pasi arriti të ngrejë 150 kilogramë.
Pas Evangjelia Veli, një tjetër sukses u regjistrua në radhët e peshëngritësve shqiptarë, Erkand Qerimaj u shpall kampion Evrope në shkëputje.
Shkodrani ngriti në baterinë B 150 kg, më shumë se kushdo tjetër. Edhe konkurrentët e tjerë që arritën të ngrënë 150 kg e bënë këtë zgjedhje pas Erkandit dhe për rrjedhojë fiton sportisti kuqezi.
Medalje argjendi shkoi për Asanidze që ngriti po 150 kg, ndërsa në vendin e tretë u rendit turku Ozbek me 149 kg.
Në orën 20:45 sportisti tjetër shqiptar Briken Calja që dështoi në të tria tentativat.
Fillimisht shqiptari tentoi të ngrejë 150 kg, por nuk ia del dot pasi ndjen dhimbje në krah. Edhe në provën e dytë, historia është e njëjtë pasi dhimbja nuk e lejon të ngrejë 151 kg.
E njëjta gjë ndodhi në provën e tretë Calja nuk ia doli të çonte lartë shtangën.