Erik ten Hag ka pohuar se Harry Maguire ka një rol të rëndësishëm për të luajtur në Manchester United pasi mbrojtësit iu hoq shiriti i kapitenit.
Ai, megjithatë, paralajmëroi se anglezi duhet të luftojë për vendin e tij në skuadër.
“Ne e respektojmë Harryn. Harry është shumë i rëndësishëm për këtë skuadër, për këtë ekip dhe, ju e dini, në rolin e tij si qendërmbrojtës, ne kemi katër qendërmbrojtës” deklaroi trajneri holandez për MUTV.
“Unë fola për qëndrueshmërinë dhe ne e dimë se nuk mund ta bëjmë këtë me 11 lojtarë dhe kështu jam i lumtur që kemi katër qendërmbrojtës shumë të mirë”.
“Dhe ne do të kemi nevojë për ta, dhe ai duhet të luftojë për vendin e tij, siç bëri vitin e kaluar. Ai ka një potencial të lartë kështu që jam i sigurt se do ta bëjë këtë, ai do të luftojë për vendin e tij dhe pastaj varet nga ai.”
Maguire lëshoi një deklaratë përmes mediave sociale të dielën, ku zbuloi se Ten Hag kishte zgjedhur t’i hiqte shiritin në krah, ndërsa më pas u njoftua të enjten se Bruno Fernandes do ta marrë atë përgjegjësi për sezonin 2023/24. /Telegrafi/