Pas një dekade, mbrëmë në qytetin e Pejës , në restaurantin ‘’Univers’’ është mbajtur evenimenti për më të bukurën e vendit, ku të ftuar ishin shumë personalitet të njohura.
I gjithë organizimi ka shkuar ashtu siç e kanë planifikuar organizatorët dhe vlen të ceket se konkurrenca ka qenë mjaft e madhe.
Mirëpo, këtë çmim dhe kurorën e rrëmbeu bukuroshja vetëm 15 vjeçare, Erëza Jusaj, ku përveç çmimit kryesor, ka fituar edhe çmimin Miss Press.
‘’Sot pas shumë vitesh dëshira ime u realizua, dëshira të cilën e kam pasur që kur kam qenë e vogël. Kjo ëndërr nuk do realizohej pa përkrahjen familjare dhe punën e mrekullueshme të stafit. Qoftë kjo kurore shteg i arritjeve të tjera, sepse me të vërtet kam punuar shumë për të arritur këtu dhe mundi gjithmonë shpërblehet , ka thënë ajo, e cila ishte shumë e emocionuar.
Bukuroshja Jusaj, rrjedh nga një familje tashme e njohur në Kosovë dhe është e bija e biznesmenit të suksesshëm, pronarit të Petrol Company, Shkelzen Jusaj, i cili gjithmonë e përkrahë dhe i qëndron pranë asaj.
