Erërat e forta që kanë prekur disa pjesë të Shteteve të Bashkuara kanë shkaktuar dëme të mëdha materiale, ndërsa një video e publikuar më poshtë shfaq momentin kur kulmi i bufesë së një shkolle në Kansas shkulet tërësisht.
Për fat të mirë nuk raportohet për viktima apo të lënduar, ndërsa ngjarja ka ndodhur në shkollën Haviland, ku pas shkuljes së kulmit autoritetet lokale kanë evakuuar nxënësit, transmeton Telegrafi.
“Ishin erëra shumë të forta, kur u shkul kulmi i shkollës. Për fat të mirë nuk është lënduar askush”, ka deklaruar një zyrtar i shkollës.
Kamerat e sigurisë të vendosura në shtyllat elektrike të parkingut të shkollës, shfaqin momentin kur erërat shkulin kulmin që bie në tokë. /Telegrafi/
