Një aeroplan F/A-18 Super Hornet pati probleme dhe doli jashtë kuvertës së transportuesit USS Harry S. Truman të premten “për shkak të motit të papritur të keq në Detin Mesdhe”.
Siç shkruajnë mediat e huaja, përcjell Telegrafi, bëhet fjalë për kushte të vështira të motit me “erëra intensive dhe shi të dendur”.
Si pasojë, “një marinar mori lëndime të lehta gjatë kryerjes së operacioneve gjatë motit të rëndë të papritur”, tha në deklaratën e tyre flota e 6-të e SHBA-së me bazë në Itali.
Për fat të mirë “marinari është në gjendje të qëndrueshme dhe pritet të shërohet plotësisht”.
Incidenti ndodhi ndërsa transportuesi po kryente një “rimbushje” në det, thanë zyrtarët të dielën.
Nuk u dhanë detaje të tjera rreth incidentit të dielën dhe marina tha se fatkeqësia mbetet nën hetim, por se transportuesi dhe krahu i saj ajror mbeten të aftë për misionin. /Telegrafi/
