Lazio ka mundur Empolin me rezultat 2-0 në xhiron e fundit të Serie A, e cila ishte ndeshja e 21-të e këtij sezoni në të cilën kryeqytetasit nuk pranuan gol në kampionatin italian.
Portieri i Lazios, Ivan Provedel është shpallur portieri më i mirë i Serie A, dhe në të njëjtën kohë ai barazoi një rekord të madh.
Me 21 ndeshje pa pësuar gol, Provedel arriti rekordin e ndarë më parë nga Gianluigi Buffon (sezonet 2011/12 dhe 2015/16) dhe Morgan De Sanctis (2013/14).
The most clean sheets in the league 🧤
Introducing the best goalkeeper in Serie A this season, Ivan Provedel 🔥@EASPORTSFIFA @EA_FIFA_Italia pic.twitter.com/t9WbGJqvMr
— Lega Serie A (@SerieA_EN) June 2, 2023
Duhet thënë se këto statistika përfshijnë vetëm të dhënat nga sezoni 1994/95, kur filloi një epokë e re e Serie A me futjen e rregullit, një fitore vlen tre pikë.
Ai supozohej të ishte një rezervë
Pakkush mund ta parashikonte që Provedel do ta merrte këtë çmim pasi Lazio e solli nga Spezia për 2.38 milionë euro në verë për ta mbajtur si rezervë për portierin portugez gjithashtu të sapoardhur Luis Maximiano.
Megjithatë, Maximiano mori një karton të kuq në xhiron e parë të Serie A, dhe Provedel e zëvendësoi atë dhe nuk u largua kurrë nga porta.
Deri para disa vitesh, ai ishte portier i kategorisë së dytë dhe mbrojti në Serie B për disa klube si huazim nga Chievo.
Empoli e bleu atë në vitin 2017 dhe ai luajti për ta në 16 ndeshje parë, por më pas klubi ra nga kategoria dhe Provedel humbi vendin e tij.
Me një huazim në kategorinë e dytë Juve Stabija, ai ringjalli karrierën e tij dhe mori një ftesë nga Spezia, ku ishte portieri i parë në dy sezone në Serie A dhe fitoi një transferim te Lazio këtë verë.
Paraqitjet e tij të mira ranë në sy edhe nga Roberto Mancini, ndaj në shtator u ftua për herë të parë në kombëtaren italiane, për të cilën ende nuk ka luajtur. /Telegrafi/