Këngëtarja Era Istrefi padiskutim që ka qenë një ndër sensacionet e këtij viti. Suksesi i saj jashtë trojeve shqiptare, i dhuroi asaj me mijëra fansa nga e gjithë bota.
Me rastin e festës së Vitit të Ri, Istrefi ka bërë të ditur se do të performojë në Cyrih të Zvicrës, gjersa nuk do të mund të jetë duke festuar pranë familjarëve të saj.
Megjithatë, ajo ka marrë së fundmi një urim special për Vitin e Ri nga motra e saj Nita, e cila ka pak ditë që është kthyer nga Londra.
Era është ndjerë shumë e lumtur që ka marrë një urim të tillë, teksa e ka publikuar kartolinën menjëherë në rrjetet sociale, për ta ndarë me fansat.
“Do t’ja filloj të qaj, unë e dua atë shumë”, shkruan Era për motrën e saj në mbishkrimin e fotografisë. /Telegrafi/
