Pas një pauzë në tregun muzikor, këngëtarja me famë ndërkombëtare, Era Istrefi, ka lansuar projektin e saj më të ri “No Maybes”.
Era së bashku me këngëtarin iraniano-suedez, Arash kanë qenë mysafirë në këngën e DJ Ilkay Sencan. Ajo kishte bërë të ditur përmes një videoje të publikuar në Instagram se kjo këngë është realizuar para dy viteve (2018).
Pas disa orësh nuk mungoi edhe një postim tjetër nga Era, ku sqaroi se pse ky projekt u vonua kaq shumë deri në lansimin e tij.
“Të më lansohen këngët pas dy viteve që i bëj, p.sh. kjo e fundit, ‘No Maybes’, për mua nuk është e lehtë, se tash jam në ‘tripa’ tjerë e në valë tjetër…”.
“Por, nganjëherë është efekti anësor i të qenit ndërkombëtar. Duket se çdo e mirë e ka ndonjë të keqe. Edhe kjo e fundit, mos më keqkuptoni, e dua shumë”, ka shkruar Era.
Më pas ajo shton se mezi pret që t’i lansojë projektet më të reja të saj, por që për momentin është në disa procedura ligjore. Duke mos e lënë me kaq, Era në postimin tjetër falënderoi të gjithë ndjekësit e saj për dashurinë që po ia dhurojnë.
Istrefi tash e një kohë po bashkëpunon me emra të njohur të tregut ndërkombëtar dhe ka një karrierë mjaft të bujshme. /Telegrafi/
