Era Istrefi publikon klipin e ri të xhiruar në Xhamajka

Pas suksesit të padiskutueshëm në finalen e Kampionatit Botëror 2018, Era Istrefi ka publikuar klipin e ri.

Bëhet fjalë për klipin e këngës “Prisoner”, këngë të cilën ajo e publikoi muajin e kaluar.

Faqja ndërkombëtare “Just Jared”, i ka dedikuar një artikull 24-vjeçares, duke potencuar prononcimin e saj rreth këngës.

“Jam rritur duke dëgjuar këngë reggae, kështu që kur e dëgjova demon e “Prisoner” të shkruar nga Emily Warren dhe Scott Harris, e ndjeva që ishte shumë e përshtatshme për mua, u identifikova me melodinë dhe tekstin e mrekullueshëm”, ka deklaruar Era.

Klipi i këngës është mjaft i veçantë, dhe duke qenë se kënga është e stilit reggae, këngëtarja tregoi se ishte kjo arsye se pse zgjodhi Xhamajkan për xhirimet e klipit të ri.

“Muzikën reggae fillova ta pëlqej që në moshën 16-vjeçare dhe kjo më bëri që të shkoj në Xhamajka për ta xhiruar videoklipin”, ka përfunduar Era.

Lexo po ashtu Era Istrefi vazhdon të shijojë qëndrimin në Moskë, shoqërohet nga reperi French Montana

Ajo erdhi mjaft atraktive dhe provokuese në performancën në klip, duke vërtetuar edhe njëherë se vazhdon të mbetet njëra ndër këngëtaret më të kompletuara. /Telegrafi/