Këngëtarja Era Istrefi ka disa muaj që nuk ka sjell ndonjë projekt të ri në treg.
I fundit ishte bashkëpunimi me French Montanën, gjersa pritet që së shpejti Era t’i futet punës për të sjell edhe projekte të reja në treg.
Istrefi ka qenë shumë e përfolur muajve të fundit në media, e kjo edhe për faktin se u nda nga ish-i dashuri i saj, Faton Shohi, njëherësh edhe ish-menaxher i saj.
E duket se pas kësaj ndarje, e cila sigurisht ka lënë gjurmët e veta në jetën private të tyre, Era e ka marrë veten.
Ajo madje në një fotografi të publikuar së fundmi në Instagram, shihet e transformuar tërësisht, teksa edhe në mbishkrimin e saj e bën të ditur se ajo tashmë është krejt tjetër.
” Zemër unë jam krejt tjetër” (sic.), ka shkruar ajo në mbishkrimin e fotografisë ku shfaqet mjaft e freskët dhe në top formë.
Mesa duket, mesazhi ka qenë i qartë, që tashmë Era ka një drejtim ndryshe. /Telegrafi/
