Në GjirafaVideo është lansuar episodi i 30 i Schengen Visa, ku personazhet shumë të pëlqyera për publikun ballafaqohen me sfida qesharake e të çuditshme.
Edhe në epizodin e ri të Schengen Visa të quajtur “Cili Basri?”, personazhet tashmë të njohura të këtij seriali, gjinden para sfidave të ndryshme, të cilat i trajtojnë me shumë humor.
Ibra vazhdon të përballet me atë videon e famshme ku shihet duke vallzuar qyqek. Kjo situatë e ka bërë që të dëshprohet e të kërkojë të largohet nga ky vend. Ai gjithashtu shpreson se Lulja do t’i bashkangjitet për një jetë të re në Belgjikë.
Në anën tjetër, Xhejmsi takohet me mbesën e tij Monikën, nga e cila kërkon të spiunojë në ambasadë dhe të zbulojë se si po sillen punëtorët e tij.
Basrija fillimisht ballafaqohet me Azizin, një pacient që ka problem me pijën, e më vonë me Salihun i cili ka problem me harresën.
Ky rasti i fundit e bën Basrinë të na kënaqë me të qeshura, duke e ngacmuar Salihun me harresat e tij.
Monika, mbesa e Xhejmsit kthehet me një video e cila e lë të shokuar dajën e saj. Në video shihen punëtorët e ambasadës në pozitë shumë të keqe.
Se çfarë vendosë Xhejmsi dhe si zhvillohen këto ngjarje, shikoni epizodin “Cili Basri?” duke klikuar më poshtë, ose duk u futur në GjirafaVideo.
