Zëvendëskryeministri i Kosovës, Enver Hoxhaj ka marrë ftesë për pjesëmarrje në edicionin e tetë të Forumit të Sigurisë në Begorad.
Ky forum do të mbahet nga data 17-19 tetor të këtij viti në Beograd, ky si temë do të ketë ” Gjetja e përbashkët e përgjigjeve për normalitet të ri”.
Në ftesën të cilën e ka siguruar Telegrafi shkruan se si ngjarja më prestigjioze e këtij lloji që po zhvillohet në Evropën Juglindore, Forumi i Sigurisë në Beograd do të sjellë më shumë se 100 folës nga përfaqësuesit e qeverive, shoqërisë civile dhe organizatave ndërkombëtare, duke tërhequr deri në 800 vizitorë gjatë tre ditëve, shkruan Telegrafi.
Forumi i Sigurisë në Beograd është formuar në vitin 2011 në partneritet strategjik me Fondin Ballkanin për Demokraci, Fondacionin Robert Bosch, Gjenevën DCAF, Fondin Evropian për Ballkanin dhe Fondacionin e Shoqërisë së Hapur.
Që nga themelimi i saj, ky forum është vendosur si konferenca kryesore për politikën dhe sigurinë e jashtme në Ballkanin Perëndimor.
Ndërkaq ende nuk dihet nëse zëvendëskryeministrit do t’i lejohet hyrja në Serbi nga autoritetet e serbe. /Telegrafi/
