Trajneri i Barcelonës, Luis Enrique, e ka uruar Atletico Madridin për kualifikimin në gjysmëfinale të Ligës së Kampionëve.
Ai është përgjigjur edhe në pyetjen e gazetarëve për momentin e dyshimtë për penalti në fund të ndeshjes.
“E uroj Atletico Madridin, ata ishin më të mirë se ne”, ka thënë Enrique pas ndeshjes.
“Nuk e kishim ditën më të mirë, por në pjesën e dytë patëm shanset tona. Por, nuk ia dolëm”.
“Mungesa e penaltisë në fund? Nuk kam mundur ta shoh nga banka rezervë. Më thanë që ishte penalti. Por, ne e urojmë Atleticon”, ka shtuar trajneri katalunas. /Telegrafi/