Trajneri spanjoll, Luis Enrique thuhet se ka disa kushte për të marr drejtimin e Arsenalin për sezonin e ri.
Arsene Wenger ka konfirmuar largimin nga Arsenali në fund të sezonit aktual, duke u larguar kështu pas 22 viteve të kaluara në klub.
Arsenali nuk po qëndron duarkryq dhe tashmë janë kontaktuar trajnerët e parë që mendohen si zëvendësues të Wengerit.
Njëri nga ta është pikërisht ish-trajneri i Barcelonës, Luis Enrique, i cili thuhet se ka një kusht të madh për ta marr drejtimin e Topçinjve.
Sipas mediumit anglez The Sun, Luis Enrique dëshiron 200 milionë funte po 230 milionë euro për të shpenzuar në transferimet në Arsenal nëse do të marrë përsipër punën e trajnerit këtë verë.
Ish-trajneri i Barcelonës është njëri nga favoritët për të zëvendësuar francezin Wenger në krye të ekipit dhe thuhet se dëshiron një rregullim të madh të skuadrës
Vetëm sulmuesit Pierre-Emerick Aubameyang dhe Alexandre Lacazette do të jenë të sigurt nga qëndrimi në klub, ndërsa Radja Nainggolan është njëri nga lojtarët që Enrique dëshiron të sjellë në Emirates.
Përveç Enriques, si pasues i Wengerit është përfolur edhe Patrick Vieira, Mikel Arteta, Carlo Ancelotti dhe Brandan Rodgers. /Telegrafi/