Ilir Daja dhe Enea Koliçi kanë mbajtur një konferencë për media para ndeshjes së Ballkanit me Astanan në kuadër të rrethit të tretë të Ligës së Konferencës.
Ndeshja që fillon të enjten mbrëma nga ora 18:45, do të luhet në stadiumin “Fadil Vokrri”.
Gardiani i Ballkanit ka thënë se në Prishtinë janë treguar më të fortë në lojën e tyre, por që më e rëndësishmja është që në fushë të futen për të fituar.
“Në Prishtinë kemi treguar se jemi ekip i fortë”, ka thënë fillimisht Koliçi.
“Është e rëndësishme të mbajmë portën të paprekur. Ne gjithmonë futemi në fushë për të fituar”.
“Astana nuk është ekip i dobët, edhe pse nuk ka fituar ende në grupe”.
“Kemi respekt për kundërshtarin, por më shumë respektojmë veten”, ka shtuar më tej portieri i Ballkanit. /Telegrafi/