Vazhdon largimi i futbollistëve nga klubi më i madh kosovar, FC Prishtina.
Lojtari i radhës që është përshëndetur me klubin kryeqytetas është mesfushori Endrit Krasniqi.
Mesfushori malishevas largohet nga kryeqyteti kosovar pas tri viteve që barti fanellën e FC Prishtinës, ku fitoi edhe tre trofe.
Ka qenë vet Krasniqi që ka lajmëruar nëpërmjet një postimi në rrjetet sociale se ka ndarë rrugët me Prishtinën.
“Çdo fillim e ka edhe fundin. Ka qenë nder dhe privilegj për mua që ta bart fanellën e Prishtinës në dy periudha të ndryshme së fundmi në tre vitet e fundit”.
“Ndjehem krenar që kam arritur ta ndihmojë ekipin në fitimin e të gjithë titujve të mundshëm në futbollin e Kosovës, Titullin , Kupën dhe Superkupën”.
“Prishtina dhe tifozët e veçantë “Plisat” do të mbeten gjithmonë në zemrën time. Faleminderit për gjithçka. Shihemi sē shpejti në një ambient të ri”, ka shkruar Krasniqi. /Telegrafi/