Real Madrid bëri një paraqitje spektakolare për Endrick Felipe, i cili është në një vizitë speciale në Madrid për momentin.
Duke e shikuar ndeshjen nga Santiago Bernabeu, braziliani ishte dëshmitar i një fitore spektakolare nga Los Blancos 4-1 përballë Villarrealit.
17-vjeçari ka folur pas ndeshjes duke treguar për emocionet që ka me qëndrimin e tij në Madrid.
“Të jesh në këtë stadium është një ëndërr fëmijërie e realizuar. Më pëlqeu atje në Valdebebas qendra stërvitore e klubit, takova shokët e mi të skuadrës, ata janë të mrekullueshëm”, tha Endrick.
Reprezentuesi brazilian është i bindur se ai me Real Madridin do të kenë një histori të madhe, hisotir e cila do të filloj në verën e vitit 2024.
“Mendoj se do të kemi një histori të madhe së bashku dhe mezi pres që t’ia filloj këtu, por gjashtë muaj kalojnë shpejt dhe unë do të bëj gjëra të mëdha”, tha Endrick.
Për gjashtë muaj, Endrick do të mbushë 18 vjeç dhe më në fund do të jetë në gjendje të bashkohet me radhët e Real Madridit, pasi për momentin, ai mbetet i huazuar te Palmeiras.
Sezonin e kaluar, ai shënoi 11 gola në ligë për ekipin e parë, duke dhënë kontribut të madh në titullin e kampionit që Palmeiras e fitoi në Brazil. /Telegrafi/