Komisioni për Sëmundje Ngjitëse në mbledhjen e sotme nuk ka marrr vendim nëse në shkollat fillore do të ketë mësim përgjatë gjithë ditës me prezencë fizike.
Komisioni pret nga Ministria e Arsimit dhe Shkencës të dhëna se sa është numri i fëmijëve dhe më pas do të merret vendim.
“Kjo çështje ende nuk ka përfunduar. Si komision duhet të kemi numrin e saktë të fëmijëve që do të ishin në shkolla me prani fizike. Këto të dhëna duhet t’i sigurojë MASH-i dhe më pas të marrim vendim, përkatësisht të rekomandojmë”, tha drejtori i Qendrës për Shëndet Pulbik dhe anëtar i komisionit, Aleksandar Stojanov./Telegrafi/