Ajo është njëra ndër personazhet më të përfolura në showbizzin shqiptar dhe jo më kot. Enca Haxhia, e cila shumë shpejt do jetë e pranishme edhe në fushën e aktrimit, po vazhdon t’i befasojë fansat.
Meqë është njëra ndër artistet më të ndjekura në rrjetet sociale dhe në Instagram numëron mbi dy milionë ndjekës, ajo publikon imazhe dhe video të llojllojshme.
Kështu, bukuroshja së fundmi ka publikuar një fotografi atraktive, teksa shfaqet pranë një pasqyre dhe në plan të parë ka vënë linjat trupore.
“Duke shikuar nga e ardhmja ime”, ka shkruar 23-vjeçarja krahas këtij postimi, e cila ka pranuar komente të shumta nga fansat e saj.
Artistja Haxhia tashmë është bërë pjesë e filmit “I Love Tropoja” të Ermal Mamaqit dhe këtë kohë ka qenë tejet e angazhuar në xhirime të projektit.
Ndërkaq, sa i përket projekteve muzikore “Jealous” titullohet kënga e fundit e lansuar nga Enca dhe në kanalin YouTube ka kaluar shifrën e katër milionë klikimeve. /Telegrafi/