Enca Haxhia mezi pret që të performojë në Tiranë më 27 korrik, si paragrup i këngëtarit të famshëm, Daddy Yankee.
“Kam kaq shumë kohë që pres dhe planifikoj momentin e duhur për një koncert gjigant në Tiranë/Sheshin Skënderbej dhe momenti erdhi.
“Më 27 korrik, Daddy Yankee dhe Enca. Jam më shumë se krenare që do të jem hapëse e koncertit të mbretit botëror të ‘reggaetonit’, Daddy Yankee.
“Mezi pres… Mos mungoni”, ka shkruar këngëtarja në një postim në Instagram.
Ramon Luis Ayala Rodriguez, i njohur me emrin artistik, Daddy Yankee, është kantautor, reper, aktor dhe producent nga Porto Riko.
Ai është njeriu që e shpiku fjalën ‘reggaeton’ në vitin 1994 për ta përshkruar zhanrin e ri muzikor që vinte nga Porto Riko.
Daddy Yankee njihet si ‘Mbreti i Reggaetonit’ nga kritikët e muzikës dhe fansat e shumtë të këtij zhanri muzikor.
Këngëtari njihet për hite të shumta, si “Gasolina”, e sidomos megahiti me Luis Fonsin, “Despacito”. /Telegrafi/
