ASH EMV fillon fushatën për kyçje falas në sistemin e energjisë termike. Deri më 31 gusht 2023, EMV “Furnizimi me ngrohje” ofron mundësinë e lidhjes falas për konsumatorët e shkëputur, përcjell Telegrafi Maqedoni.
“Për të ndihmuar sa më shumë konsumatorë të përfitojnë nga blerja e sistemit të ngrohjes qendrore, po hapim një fushatë “Lidhje Falas” për konsumatorët e shkëputur që vendosin të lidhen me sistemin e ngrohjes qendrore.
Promovimi i lidhjes falas është i vlefshëm deri më 31 gusht 2023 dhe do të zbatohet sipas parimit të shërbimit të parë. Përparësitë e lidhjes falas vlejnë edhe për vetë objektin, i cili lidhet me ngrohje qendrore dhe kur ka mundësi teknike për ta lidhur me banesën apo hapësirën afariste”, thonë nga EMV.
Për të përfituar nga rasti, është e nevojshme të paraqisni një kërkesë me shkrim për kyçje në një nga pikat e EMV-së.
Pas përfundimit të aksionit, pra nga data 1 shtator 2023, lidhja do të tarifohet plotësisht sipas çmimores së vlefshme./Telegrafi/