Çështja e emrit të Maqedonisë ka përplasur LSDM-në dhe OBRM-PDUKM-në. E para akuzon të dytën se lideri i tyre, Nikolla Gruevski, ka pranuar ndryshimin e emrit të vendit, transmeton Telegrafi Maqedoni.
Sipas njoftimit të LSDM-së, në vitin 2008 Gruevski e ka pranuar propozimin ”Republika e Maqedonisë (Shkupi), por që Greqia e ka refuzuar një propozim të këtillë. Kjo parti thotë se kjo vërtetohet nga dokumentet e publikuara në ”ëikileaks”, si edhe nga përgjimet.
Nga ana tjetër, OBRM-PDUKM-ja i ka hedhur posht këto pohime të LSDM-së, duke theksuar fuqishëm se askush nga partia e tyre, nuk ka pranuar ndonjë ujdi, rreth emrit kushtetues të vendit.
OBRM-PDUKM-ja konsideron se opozitarët e LSDM-së janë të frustruar me liderin Nikolla Gruevski dhe se tregtarët e interesave kombëtare të Maqedonisë, gjithnjë janë LSDM-ja dhe lideri i tyre, duke përmendur se për shkak të Cërvenkovskit dhe Sheqerinskës, ka pësuar emri dhe flamuri, madje duke akuzuar Zoran Zaevin se do të bëjë kompromis për emrin, por se do të bëjë edhe federalizim të Maqedonisë./Telegrafi/