Ish- sulmuesi i Mançester Cityt dhe Arsenalit, Emmanuel Adebayor, ka fituar mbi një vendim të FIFA-s për ‘suspendim të padrejtë’ të tij.
Lojtari iu bashkua Olimpias së Paraguait në fillim të vitit 2020, disa muaj përpara se bota të goditej nga pandemia COVID-19. Më pas, futbolli u mbyll për muaj të tërë. Kur ndeshjet filluan, ylli i Togos u suspendua në qershor të të njëjtit vit.
38-vjeçari bëri gjithsej katër paraqitje për klubin dhe vendosi që suspendimi i tij ishte i padrejtë. FIFA ka urdhëruar tani Olimpian të paguajë 500,000 euro për Adebayorin, plus një interes shtesë prej 12 për qind nga viti 2020, pas një vendimi të një gjykate.
Presidenti i ri i klubit, Miguel Cardona deklaroi: “Nuk mund të bëjmë asgjë për kontratat që janë nënshkruar më parë, por klubi do të ndryshojë politikën e tij për pagat dhe do të vendosë një kufi pagash”.
“Ne kishim një kërkesë për pagesë nga Adebayor. Ne e dinim se ai merrte 200,000 dollarë në muaj”.
Para periudhës së tij në Amerikën e Jugut, Adebayor luante për skuadrën turke Kayserispor, me të cilin bëri gjithsej tetë paraqitje, duke shënuar dy herë. Ai gjithashtu luajti për Istanbul Basaksehir, duke bërë mbi 70 paraqitje dhe shënoi 28 herë.
Adebayor u bë i famshëm gjatë kohës së tij në Arsenal, ai shënoi 30 gola në sezonin 2007/08. Adebayor ka akuzuar më parë klubin për zgjedhjen e parave mbi të, pasi ai u transferua te Manchester City në një marrëveshje që besohet të jetë me vlerë 30 milionë euro.
Paraqitja e tij e fundit në futbollin anglez erdhi me Crystal Palace në vitin 2016. /Telegrafi/
Emmanuel Adebayor has won a FIFA tribunal that will pocket him almost half a million after an unfair sacking at Paraguayan side Olimpia.
— Bolarinwa Olajide (@iambolar) June 17, 2022