Emisioni “Metamorfoza” solli për shikuesit edicionin festiv.
Pjesë e këtij programi për herë të parë u bë një mashkull, Alban Dedaj, 26 vjeç nga Peja.
I njëjti zgjodhi emisionin “Metamorfoza” pas ndryshimi drastik që kishte përjetuar motra e tij, Ariana, në një nga edicionet emisionit javë më parë.
Moderatorja e programit , Suzana Mushkolaj, e mirëpriti mjaft mirë dëshirën e një mashkulli për ndryshim.
Ajo dukej bukur dhe tejet elegante në edicionin festiv, veshur me një fustan plot shkëlqim, ndërsa bëri për vete shikuesit.
Fillimisht, Suzana dhe Albani u drejtuan për në klinikën e rregullimit të dhëmbëve, ku djaloshi bëri ndryshimin e shumë-dëshiruar.
Më pas erdhi radha e vizitës te dermatologu, ku Albait iu dhanë këshilla, si dhe iu bënë disa përmirësime në lëkurë.
Ndërsa për fund, ai dhe Suzana vizituan disa butiqe dhe dyqane këpucësh, nga ku përzgjodhën veshjet me të cilat ai do të prezantohej në fund të emisionit.
Dedaj nuk po i besonte syve kur pa versionin e tij të ri përpara pasqyrës, teksa kështu mes emocionesh u përmbyll edhe një mision tjetër i suksesshëm i emisionit “Metamorfoza” nga Suzana.
Viti 2018 pritet të vijë me plot risi dhe episode të reja, nga një prej emisioneve tashmë më të ndjekur në vend. /Telegrafi/
