Legjenda e hip hopit, Eminem, ka thyer një rekord shumë të vjetër. Ai ja ka dalë që të ketë albume rresht në pozitën e parë të top listës britanike më së shumti në histori, një rekord 36 vjeçar ky i mbajtur nga Abba dhe Led Zeppelin.
Albumi i ri “Kamikaze” ishte një befasi që u lansua nga reperi për adhuruesit dhe albumi i dytë në më pak se një vit, e albumi i nëntë i tij që zuri vendin e parë për të nëntën herë rresht në top listat britanike, duke na kthyer në kohën e Marshall Mathers LP ku filloi e gjithë historia.
Eminem për këtë rekord i pati dy fjalë: “A do të thotë se tash do të duhet ta quaj veten Sir Eminem?”.
“Kamikaze” është albumi i katërt më shpejt i shitur në Britaninë e Madhe duke mbetur vetëm prapa Arctic Monkeys, Drake dhe George Erza.
Kënga hapëse e albumit, “The Ringer” po ashtu arriti vendin e katërt në top listën e këngëve single, e pikërisht aty është një sulm për Donald Trump, duke e përshkruar atë si një njeri të keq, teksa dy këngët tjera “Lucky You” dhe “Fall” kanë arritur në top 10.
Eminem po ashtu sulmoi një varg reperësh tjerë në prjoektin “Not Alike” që tërhoqi vëmendjen, e me theks të veçantë preku reperin nga Clevelandi, Machine Gun Kelly.
Ky i fundit lansoi kundërpërgjigjen si diss, “Rap Devil”, ku ofendoi rëndë Eminemin, e që sipas shumë adhuruesve edhe mund t’ia kishte përfunduar Slim Shadyt karrierën.
Por, tashmë raportohet se Eminemi ka gati përgjigjen për Machine Gun Kellyn.
“Kjo është një betejë mes të kaluarës dhe të ardhmes së madhe”, u shpreh Machine Gun Kelly në një koncert të premtën.
/Telegrafi/