Emina Jahoviq, përmes rrjeteve sociale, pranoi se pas 14 vjet martese, ka konfirmuar se është shkurorëzuar nga Mustafa Sandal.
Ajo përmendi arsyet që dërgoi drejt ndarjes duke i dhënë fund spekulimeve rreth tradhtisë së këngëtarit turk.
Bukuroshja boshnjake ka pohuar ndër të tjerash ka tash e sa kohë më që nuk ndien asgjë ndaj këngëtarit të famshëm turk, Sandal.
Vlen të theksohet se ky i fundit deri më tani nuk është deklaruar për media, duke zgjedhur që për momentin të hesht.
Ky është postimi i plotë i Eminës në Instagram.
I dashuri im, të falënderoj për dashurinë dhe mbështetjen që më ke dhënë gjatë gjithë karrierës sime. E ndjej për obligim të tregoj të gjithë të vërtetën dhe të jem e sinqertë edhe kur ndajë gjëra të bukura, por edhe kur bëhet fjalë për pjesët më pak të bukura të jetës, përmes të cilave, për fat të keq, të gjithë ndonjëherë kalojmë.
Kjo është arsyeja pse dua që ta dini këtë nga unë – pas 14 vitesh të jetës së bashku dhe 10 vjet martese, Mustafa dhe unë vendosëm të ndahemi. Ky vendim nuk ka qenë aspak i lehtë, as nuk ishte e papritur, por ishte reciproke, sepse, pas shumë diskutimeve të gjata dhe të hapura, erdhëm në përfundimin se dashuria jonë, e cila ishte e madhe dhe e sinqertë, ishte shuar tash e sa kohë.
Ndonëse vazhdojmë jetën veçmas, unë dhe Mustafa gjithmonë do të jemi miq dhe mbështetës të njëri-tjetrit. Misioni ynë më i rëndësishëm është që të mbetemi prindër të mirë për fëmijët tanë të mrekullueshme, Yavuzit dhe Yamanit, dhe në këtë mision jemi të bashkuar.
Ju do, Emina juaj!
Ndryshe, Sandal është duke punuar në projekte të reja filmike ndërsa bukuroshja do t’i kthehet botës së modës. /Telegrafi/