Modelja e njohur shqiptare e cila jeton dhe vepron prej vitesh në Amerikë, Emina Çunmulaj, është kthyer për disa ditë në vendlindje.
Ajo ndodhet në Malësinë e Madhe, vend ky në të cilin është lindur dhe rritur modelja, e cila njëkohësisht po shijon pushimet përreth.
Zeshkania së fundmi ka ndarë një seri imazhesh e videosh teksa tregon se është në Ulqin dhe po argëtohet pafund. Në njërën prej fotografive derisa pozon në bikini, Emina ka marrë një numër të madh të komenteve.
“Vera në Mal të Zi”, ka shkruar ajo në llogarinë personale në Instagram teksa shihet përkrah të atit.
Emina tash e disa vite është e martuar me afaristin izraelit, Sam Nezarian, me të cilin ka edhe dy vajza.
Ajo nuk ngurron asnjëherë që vajzave të saj (Ella dhe Mia) t’ia mësojë traditat dhe kulturën shqiptare.
Gjatë kësaj kohe modelja është duke punuar edhe në projekte të reja dhe tashmë është pjesë edhe e “Fundjavë Ndryshe”. /Telegrafi/