Fotografitë private të modeles Emily Ratajkowski janë marrë nga hakerët në iCloud dhe i janë ofruar Helen Woodit, një personaliteti televiziv në Angli, që t’i shpërndante në kolumnën e saj në Daily Star.
Wood nuk pranoi kurrsesi ta bënte një gjë të tillë, duke kritikuar ashpër atë që i dërgoi linkun ku supozohet të jenë mbi 200 imazhe nudo të modeles.
Emily, e cila u bë e famshme në videoklipin e Robin Thicke, është sulmuar edhe më parë nga hakerët, të cilët dërguan fotografi të saj nëpër faqet për të rritur.
Ajo gjithashtu ka kritikuar fotografin Jonathan Leder, i cili dhjetorin e kaluar publikoi disa imazhe shumë provokuese nga një set i saj fotografik, pa i marrë leje paraprakisht vetë modeles.
Sido që të jetë, edhe nëse arrijnë në publik fotografitë e vjedhura, nuk pritet që të ketë dicka që fansat e saj nuk e kanë parë deri më tani.
Ratajkowski shpeshherë është pjesë e seteve fotografike, në të cilat pozon pa rroba në trup. /TCH/Telegrafi/
