Emily Ratajkowski dhe Eric Andre janë duke e shijuar plotësisht situatën e tyre.
Modelja dhe komediani u kapën së fundmi bashkë në Grand Cayman, më i madhi nga ishujt Cayman.
Të dy e kaluan pasditen e tyre të së martës duke pirë dhe duke u relaksuar pranë oqeanit, megjithëse imazhet tregojnë se ata kaluan më shumë kohë duke admiruar njëri-tjetrin sesa ujin e pastër kristal.
E ulur drejt, Ratajkowski, 31 vjeçe, u pa duke i mbështjellë krahët rreth qafës së 39-vjeçarit Andre, ndërsa u përkul për t’i dhënë një puthje të madhe.
Për këtë paraqitje, Emily kishte zgjedhur një palë bikini shumëngjyrëshe me një kapelë të gjelbër kombinuar me portokalli.
“Emily dhe Eric dukeshin mjaft komod në plazh, duke pushuar. Ata po putheshin dhe flirtonin. Ai bënte shaka dhe i bënte të gjithë të qeshnin”, tha një dëshmitar okular, duke vënë në dukje se raporti i dyshes dukej më shumë “lozonjarë” sesa “romantik”.
“Më dukej si një situatë argëtuese me miq”, tha burimi. “Ata rrinin në bar, pinin kokteje dhe bisedonin me të gjithë. Thjesht dukeshin vërtet të lumtur dhe të relaksuar së bashku”.
Yjet gjithashtu u dëgjuan duke diskutuar për marrëdhëniet e kaluara.
Bukuroshja ka qenë e martuar me Sebastian Bear-McClard, me të cilin ka edhe një djalë. /Telegrafi/
