Së fundmi ata udhëtuan nga New York në California në mes të krizës së coronavirusit.
Dhe Emily Ratajkowski dhe burri i saj, Sebastian Bear-McClard u shfaqën krah njëri-tjetrit për një shëtitje qensh të martën në plazhin e Venecias.
Modelja, 28-vjeçe dhe producenti i njohur i filmit, 39-vjeç, ndanë një puthje të ëmbël ndërsa morën qenin e tyre të dashur, Colombo nga makina para se të shkonin në një shëtitje në plazh.
Bukuroshja e “Blurred Lines” dukej atraktive në një palë tuta sportive gri e bluzë të bardhë, ndërsa mbante një triko rreth belit të saj.
Flokët e saj të lëshuara dhe stili i veçantë e bënë të duket edhe më në formë.
Në anën tjetër, Sebastian zgjodhi një triko blu për shëtitje dhe pantallona që përkonin më shumë kah ngjyra rozë.
Emily kohët e fundit ka thënë për British GQ: “Është interesante të jesh në karantinë dhe e martuar. Ndjehem sikur shumë njerëz do të përfundojnë të divorcuar”.
“Por burri im dhe unë jemi në një partneritet të mirë. Dhe unë mendoj se kam mësuar shumë rreth vetes që jam martuar, sigurisht”, vazhdon mes tjerash ajo. /Telegrafi/
