Emily Blunt zbuloi gjatë një interviste të fundit se po pushon një vit të tërë nga aktrimi, për të kaluar më shumë kohë me familjen e saj.
Aktorja 40-vjeçare ndan dy fëmijë – Hazel, 9 vjeçe dhe Violet, 7 vjeçe – me bashkëshortin e saj John Krasinski, me të cilin festoi 13 vjetorin e martesës të hënën.
Blunt – e cila u pa kohët e fundit në premierën në Paris të filmit të saj të ri “Oppenheimer” – nuk specifikoi se kur filloi kjo tërheqjë nga aktrimi, megjithëse tha për podcastin “Table for Tëo” se po e bën pauzën për të kaluar më shumë kohë me fëmijët.
“Këtë vit nuk jam duke punuar. Kam punuar shumë vitin e kaluar”, shpjegoi Blunt.
“Dhe thjesht ndjej se ka gurë themeli në ditët e tyre që janë kaq të rëndësishme kur ata janë të vegjël”, sqaroi ajo.
“Dhe është, ‘A do të më zgjosh? A do të më çoni në shkollë? Do të më marrësh? Do të më vësh në shtrat?’ Dhe unë vetëm duhet të jem aty. Dhe këtë e ndjeva për ta bërë dhe do ta bëjë”, shtoi mes tjerash ajo.
Emily gjithashtu foli për mënyrën se si ajo dhe bashkëshorti i saj, Krasinski, zakonisht kalojnë mëngjeset e tyre së bashku.
Blunt luan Kitty Oppenheimer, gruan e J. Robert Oppenheimer të Cillian Murphy në filmin e ri biografik “Oppenheimer” që vjen në kinema më 21 korrik.
Ajo do të shihet më pas në “Pain Hustlers”, duke luajtur së bashku me Chris Evans, Andy Garcia dhe Catherine O’Hara.
Aktorja gjithashtu ka “The Fall Guy” në post-produksion, një adaptim filmik i serialit televiziv të viteve 1980, duke luajtur së bashku me Ryan Gosling. /Telegrafi/
