Kryeministri i Kosovës, Albin Kurti, ka emëruar Arbër Vokrri zëvendësministër në Ministrinë e Administrimit të Pushtetit Lokal.
Lajmin e ka bërë të ditur Zyra e Kryeministrit, përmes një njoftimi për media të shtunën.
“Kryeministri Kurti i ka uruar zëvendësministrit Vokrri suksese në plotësimin e detyrave dhe përgjegjësive të tij”, thuhet në njoftim.
Ndryshe, Arbër Vokrri ishte tërhequr nga gara për kryetar të Qendrës së Lëvizjes Vetëvendosje në Prishtinë në zgjedhjet e fundit të kësaj partie. /Telegrafi/
