Elseid Hysaj dhe Raul Albiol janë në dyshim për Napolin kundër Lazios, por Dries Mertens është në rrugë të mirë për rimëkëmbje.
Ka pasur shqetësime të mëdha për Mertensin që kishte lënduar kyçin e këmbës së djathtë gjatë fitores kundër Beneventos, por belgu u rikuperua shumë më shpejt se sa pritej.
Ai nuk është kthyer ende në stërvitje të plotë, por pritet të jetë i pranishëm ditën e shtunë.
Megjithatë, Maurizzio Sarri ka probleme në mbrojtje, pasi Albiol është ende i lënduar dhe mund të humbasë sërish këtë fundjavë.
Mbrojtësi shqiptar Hysaj vuan nga simptomat e gripit dhe nuk ka marrë pjesë në stërvitjen e sotme.
Christian Maggio mund të luajë në krahun e djathtë ndërsa Vlad Chiriches do ta zëvendësonte Albiolin.
Ndryshe, Napoli vazhdon të mbetet lider i ligës elitare italiane ndërsa lacialët zënë pozitën e tretë në Serie A. /Telegrafi/