Këshilli i prindërve pranë shkollës fillore “Elpida Karamanli”, në Manastir njofton se shkolla është shkatërruar para syve të nxënësve, përcjell Telegrafi Maqedoni.
“Kjo shkollë është në kushte të tmerrshme, gjendje katastrofale e sallës për sport, parketi është i dëmtuar tërësisht, ndërsa nga kulmi kur bie shi ai rrjedh mbi kokat e nxënësve. Në klasa nuk ka energji elektrike, në mënyrë që nxënësit e ndrimit të dytë të mund të mbajnë mësim”, deklaruan nga këshilli i prindërve.
Në disa fotografi mund të shihet se edhe toaletet janë në gjendje katastrofale. Nxënësit thonë se nuk kanë as sapun për larjen e duarve, ndërsa prindërit shpesh herë janë ankuar se tek fëmijët e tyre janë paraqitur alergji të ndryshme.
Në këtë shkollë mësim ndjekin 670 nxënës, prindërit ankohen se përderisa mbi kokat e fëmijëve të tyre bie shi drejtoresha e shkollës, zyrën e saj e ka renovuar dy herë./Telegrafi/
