Tesla mund të “krijojë një ditë” një mjet elektrik të ngritjes dhe uljes vertikale – por mos e prisni atë së shpejti.
Të dielën, CEO i Tesla-s, Elon Musk u përgjigj përmes Twitter në një pyetje nëse kompania e tij e makinave elektrike do të hyjë në hapësirën e aviacionit me një automjet “VTOL”.
Ndërsa do të ishte një ndryshim rrënjësor në përpjekjet e kompanisë, Musk ka lënë të kuptohet se e ka në planet e tij një automjet të tillë, transmeton Telegrafi.
Dhe komentet e tij të fundit sugjerojnë se nuk është përjashtuar tërësisht, por nuk është një përparësi:
“Ndoshta një ditë do të bëjë një prototip të VTOL”, tha ai.
Komentet janë sugjerimi i fundit për planet e Musk për një makinë fluturuese me emisione zero. Por këto kanë qenë më shumë se një dekadë në proces.
Musk kishte lëshuar idenë e tillë më parë edhe në vitin 2009, kur ai tha në një intervistë për TechCrunch se “një aeroplan elektrik bëhet më i mundshëm ndërsa energjia e baterisë përmirësohet”.
Ndërsa Musk ka pasur idenë për një kohë, ai ka mbetur i vendosur se një nga pengesat më të mëdha për një avion elektrik është dendësia e energjisë.
Bateria e Tesla Model 3 ka një dendësi rreth 250 vat-orë për kilogram.
Musk pohoi në vitin 2018 se një avion do të duhej rreth 400 vat-orë për kilogram në minimum, mbase edhe 500 për performancën e dëshirueshme.
Projekti erdhi në vëmendje edhe një herë në Ditën e Baterisë së Tesla në shtator, kur kompania zbuloi një seri përparimesh që mund t’i bënin bateritë më të lira dhe më të shpejta. /Telegrafi/