Drejtori i Përgjithshëm i Tesla-s, Elon Musk, ka thënë të premten se robotët e inteligjencës artificiale të kompanisë një ditë mund të jenë në gjendje të punojnë në Mars.
Sipas mediave të huaja, përcjell Telegrafi, Musk të enjten njoftoi se kompania po punonte në një Tesla Bot me një formë njerëzore që do të “merrte” disa nga AI që kompania ka zhvilluar për automjetet e saj elektrike.
Ndryshe, një nga kompanitë e tjera të Musk, SpaceX, ka qenë e fokusuar në kthimin e njerëzve në Hënë, pastaj në drejtim të Marsit.
Dhe një përdorues i Twitter e pyeti Musk nëse robotët do të prodhoheshin në masë dhe do të dërgoheshin në Planetin e Kuq si punëtorë.
“Me shpresë”, u përgjigj Musk.
Tesla tha se robotët do të kishin kamera për sytë dhe do të përdornin softuerin e tyre vetë-drejtues për të lundruar në mjedisin e tij.
Kompania tha gjithashtu se do të kishte një çip të ri Dojo – një superkompjuter i fokusuar në mësimin e makinerisë.
Musk në njoftimin e robotëve Tesla të enjten dukej se pranonte shqetësimet se robotët do të ktheheshin në të dhunshëm, duke thënë se shumica e njerëzve do të ishin në gjendje të “mposhtnin” një të tillë.
“Ne po e vendosim atë në mënyrë që të jetë në një nivel mekanik, në një nivel fizik, ku ju mund të ikni prej tij dhe ka shumë të ngjarë ta mposhtni atë”, kishte thënë ai. /Telegrafi/