Drejtori gjeneral i kompanisë Tesla, Elon Musk, do të drejtojë shfaqjen e njohur amerikane Saturday Night Live për herë të parë më 8 maj të këtij viti. Miley Cyrus do të shfaqet si një e ftuar muzikore dhe kjo do të jetë paraqitja e saj e gjashtë në këtë emision.
Lajmi u bë i ditur menjëherë pasi kapsula e pasagjerëve, Crew Dragon, u ul me sukses në Stacionin Ndërkombëtar të Hapësirës. Kjo është gjithashtu hera e parë që një kompani private (SpaceX, pronar i të cilës është Musk) dërgon një anije kozmike me njerëz në hapësirë.
Një hap i rëndësishëm është ndërmarrë për të ardhmen e industrisë tregtare të udhëtimeve në hapësirë.
Am hosting SNL on May 8
— Elon Musk (@elonmusk) April 25, 2021
Për pjesëmarrjen në programin e famshëm, miliarderi njoftoi përmes Twitterit. Paraqitja e Musk në SNL do të bëhet disa ditë pasi djali i tij X Æ A-Xii feston ditëlindjen e tij të parë (4 maj).
Muajin e kaluar, 49-vjeçari ndau një fotografi familjare nga Teksasi ku dëshiron të krijojë një qytet të ri që do të quhet Starbase.
Let’s find out just how live Saturday Night Live really is 😈
— Elon Musk (@elonmusk) April 25, 2021
Ai dëshiron të riemërtojë dhe të ridekorojë qytetin ekzistues Boca Chica, ku SpaceX po zhvillon dhe po lëshon prototipet e anijes Starship.
Starbase, Texas pic.twitter.com/mt4IpqqmjF
— Elon Musk (@elonmusk) March 8, 2021
Shumë u befasuan nga zgjedhja e menaxhmentit të Saturday Night Live për ta ftuar Muskun si mikpritës, sepse në emision rëndom shfaqen aktorët dhe muzikantët, e jo manjatët e biznesit.
Nikoqirë të mëparshëm të këtij sezoni kanë qenë Nick Jonas, Maya Rudolph, Chris Rock, Issa Rae, Dave Chappelle, Jason Bateman, Timothee Chalamet dhe Kristen Wiig. /Telegrafi/