Elon Musk ka shpërndarë një video të re që tregon raketën Starship të SpaceX në platformën e lëshimit në Boca Chica, Teksas.
Sipas mediave të huaja, përcjell Telegrafi, Musk, i cili është CEO i SpaceX dhe Twitter, postoi videon me titullin “Starship duke u përgatitur për nisje”.
Raketa prej 3 miliardë dollarë ka një lartësi mahnitëse 120 metra dhe thuhet se është raketa më e fuqishme në botë.
Dhe, siç thuhet më tej, mund të jetë çështje ditësh përpara se ta shohim më në fund të fluturojë.
Administrata Federale e Aviacionit (FAA) e qeverisë tha në fillim të kësaj jave se Starship mund të shpërthejë që nga e hëna, më 10 prill.
Pavarësisht se kjo pritet të ndodhë pas vetëm pesë ditëve, firma e Elon Musk ka ende nevojë për një licencë për fillimin e ngjarjes, megjithëse kjo mund të jepet deri të hënën.
Nisja historike e SpaceX do të veprojë si një moment historik i hershëm në ambicien e Musk për të transportuar njerëz dhe ngarkesa në Hënë dhe Mars, duke na bërë një specie ‘multiplanetare’. /Telegrafi/